Тәрбияче сабыйларны салкын идәндә йоклаткан
Бер тәрбияче тыңламаган балаларны көндезге ял вакытында салкын идәндә йоклатып «тәрбияләгән».
Бу хәл февраль азагында Түбән Камада була. Дүрт бала тәрбияченең үзләрен идәндә йоклатуын һәм өстәвенә бүлмәдә тәрәзәне ачып куюын сөйләп бирәләр. Кайберләре бу очрактан соң авырып китә. Әти-әниләр чаң суга. Прокуратурага мөрәҗәгать итәләр. Хәзерге вакытта тәрбияче эштән азат ителгән. Мондый хәлгә юл куйган бакча мөдирен дә эшеннән алганнар.