“Ата Мекен” акыйкатчылык кызматка Канатбек Азиздин талапкерлигин көрсөттү

Жогорку Кеңештеги “Ата Мекен” фракциясы акыйкатчылык кызматка талапкер катары Канатбек Азизди сунуш кылды. Бул тууралуу “Азаттыкка” фракциянын лидери Алмамбет Шыкмаматов билдирди. Анын айтымында, парламент жайкы каникулдан келген соң дароо акыйкатчыны шайлоо маселесин карашы керек.


Мыйзам боюнча бир ай ичинде акыйкатчы шайланышы керек экенин эске салган Шыкмаматов эки айдан бери бул кызмат бош турганын белгиледи.


34 жаштагы Канатбек Азиз “Ата Мекен” фракциясынын катчылыгында эмгектенет. 


Буга чейинки акыйкатчы Кубат Оторбаев 26-июнда өз ыктыяры менен кызматтан кеткен. (BkA)