Казанда янучы "Адмирал" сәүдә үзәгендә зыян күрүчеләрнең саны 8гә җиткән
Зыян күрүчеләрнең 1се Гадәттән тыш хәлләр министрлыгы хезмәткәре җимереклекләр астыннан йолып алынган.
14 сәгать 50 минутка булган мәгълүматлардан күренгәнчә, Казан шәһәренең Киров районында урнашкан “Адмирал” сәүдә үзәгендә чыккан янгынны сүндерү барышында, дүртенче керү урыны ишелгән. Хәзерге вакытта кешеләрне өемнәр астыннан чыгару дәвам иттерелә. Звян күрүчеләрнең берсе – Гадәттән тыш хәлләр министрлыгы хезмәткәре җимереклекләр астыннан йолып алынган. Ашыгыч медицина ярдәме бригадасы аны авыр хәлдә 12 нче шәһәр клиник хастаханәсенә озаткан.
Янгында зыян күрүчеләр саны 8 кешегә җиткән.
tatar-inform.ru