Амангазиев: УКМКдан кечирим сурайм
- Жетекчиликтен кечирим сурайм. Мага болгон жалган жалаадан улам жумушумдан айрылдым. Ал бассейн жаш балдар үчүн эмес, үйдүн жашоочулары үчүн курулган бассейн болчу. Тереңдиги 1 метр 70 см. Бул тууралуу документтер колумда турат. Мен дем алыш күнү үйдүн тургуну катары бассейнге түшкөм.
10-июлда Бишкектин Панфилов көчөсүндөгү көп батирлүү үйдүн жашоочулары өздөрүнүн кошунасы, "УКМК кызматкеримин" деген Ильяз Амангазиевдин жосунсуз жоруктарына арызданып чыккан. Алар окуяны тасмага тартып, социалдык тармактарга жайылтып жиберишкен.
Мындан кийин УКМКнын басма сөз кызматы бул окуяга аралашкан мекеменин кызматкери Ильяз Амангазиев жумуштан айдалганын кабарлаган. (AiA\ErN)