Армения премьері оппозицияны келіссөзге шақырды
Саргсянның сөзінше, халықтың көшеге шығып өз ойын білдіруге, митинг өткізуіне құқығы бар. Бірақ Еревандағы шерулер заң шегінен шығып кетіп жатыр.
Еревандағы наразылық 21 сәуірде де жалғасты. Тоғызыншы күн қатарынан өтіп жатқан ереуіл кезінде жүздеген адам ұсталған. 20 сәуірде Еревандағы Республика алаңындағы митингте сөз сөйлеген оппозициялық "Азаматтық келісім" партиясының лидері Никол Пашинян билікпен келіссөз жүргізуден бас тартқан.
Ондаған жыл ел басқарған Саргсян президенттіктен кетер алдында Армения Конституциясы өзгертіліп, ел парламенттік басқару жүйесіне өткен. Елдегі билік үкімет басшысының қолына тиді. Оппозиция Саргсянді билікті басып алды деп айыптайды.
Көре отырыңыз: Армения неге толқып тұр?