Бишкекте түрдүү дин өкүлдөрү биргелешип көчөт тигишти
Саамалыкты Дин иштери боюнча мамлекеттик комиссиясы Европа кызматташтык жана коопсуздук уюмунун Бишкектеги кеңсеси менен биргелешип уюштурду.
Дин комиссиясынан билдиришкендей, иш-чара диний жамааттардын ынтымагын чыңдоо жана шаарды көрктөндүрүү максатын көздөйт. Ал өкмөттүн “Таза жашоо” өнөктүгүнүн алкагында өттү.
"Таза жашоо" - айлана-чөйрөнү көрктөндүрүп, жаратылышты коргоп, таштандыдан арылтууга багытталган республикалык саамалык. Аны кызматтан кеткен Сапар Исаковдун өкмөтү демилгелеген. (SE)