Бүген шәһәребезнең Боз сарае яны гөрләп торды. Бик күп лениногорскилылар чаңгы юлына басты. Һава торышы да яхшы булды. Төрле уку йортларыннан, предприятие- оешмалардан спорт бәйрәмендә катнашырга килгәннәр. Әнә КНИТУ- КАИның Лениногорск филиалы студентларының күңеле күтәренке, чөнки аларның командасы спартакиадада алдынгы урыннарны яулаган. Бүген җиңүләре белән котлап тәбрикләделәр.
Бу көнне барысы да яхшы кәеф, күтәренке рух белән кайтып китте.