Пенсионер 100 мең сумыннан колак каккан
Банк картасы блокировкалану турында ялган смс-хәбәр алган 66 яшьлек пенсионер шактый зур суммада акчасы белән хушлаша.
Казанлыга смс-хәбәр 11 гыйнвар көнне көндезге сәгать икеләрдә килә. Кырыгалдар аңа картасын блокировкадан чыгару өчен 100 мең сум акча күчерергә кирәклеген хәбәр итә. Пенсионер шулай эшли дә. Җинаять корбаны булуын аңлап алганнан соң, ул икенче көнне полициягә гариза белән мөрәҗәгать итә. Полицейскийлар кырыгалдарның абонент номеры Курск өлкәсендә теркәлгән булуын ачыклыйлар.