Элеккеге сөяркәсеннән котылмакчы булган
36 яшьлек хатын өйдәшеннән һәм танышыннан элеккеге сөяркәсен үтерүләрен сораган.
Бу хәл Арчада була. 24 һәм 26 яшьлек ир-атлар хатынның сүзен тыңлап, җинаятькә баралар. Алар 24 яшьлек ир-атның фатирына килеп, аны башта кыйныйлар, аннан соң бәйләп, Казанка күпере аша район стадионына алып киләләр һәм елгага ташлыйлар. Зыян күрүче суда бауларны чишә ала һәм елгадан йөзеп чыгып ярдәм чакыра. Хәзер хатынга да, өйдәшенә һәм танышына да җинаять эше кузгатылган, дип хәбәр итә "Вечерняя Казань".