Анапа пляжлары чыннан да тулы һәм урыннар юкмы?
Анапада ял итәргә теләүчеләр өчен пляжлар җитәрлек. Бу турыда РИА Новости үз корреспондентына сылтама белән хәбәр итә. Агентлык белешмәсе буенча, биредә буш урыннар белән проблема юк. Өстәвенә кайбыр комлыкларда ял итүчеләр бөтенләй юк. Үзәк шәһәр пляжыннан кала башка урыннар өчен бу елның әлеге вакытында гадәти хәл. Бу турыда «АиФ» яза.
Кайсыбер комлык яки ташлы пляжларда ял итүчеләр былтыргыга караганда да кимрәк. Шәһәр читендә Анапа — Витязево, Джемет, Благовещенский һәм Сукко — биредә дә шактый иркен.
Шулай булгач, Анапада пляжларда урын юк дигән сүз каян таралган соң? Бу турыда видеокадрлар социаль челтәрләрдә тулды. Имеш, кешеләр басып торган килеш кенә кызына, Анапада «урыннар юк».
- Анапа пляжларында ятып түгел, утырып та кызынырлык урын калмаган – видеолар
Шәһәрнең матбугат хезмәте бу сүзләрне кире каккан, алар кунаклар өчен пляжлар җитәрлек булуын, үзәктәге ял урыннарында гына кеше күп икәнен әйтә.
«Сүз уңаеннан, Анапада 40 км дан артык комлы һәм ташлы пляж бар. Бу Кара диңгез яр буенда иң озын пляж территорияләре. Урын бөтен кешегә җитә, барыгызны да Анапада ялга көтәбез. Ял итүчеләр концентрациясе күбрәк булган урыннар, азрак булганнары бар, кыргый, бөтенләй диярлек буш пляжлар бар», – дигәннәр мэриянең матбугат хезмәтендә. Бу турыда ТАСС язган.