Алханов: "Магнитскийн тептаре" баха массо а чоьхьарчу гIуллакхийн белхахой
"Тхо тIаьххьалц догтешна дара, и тептар хIотточара ойла йина хIума дийр ду аьлла. Президенто Кадыров Ахьмада вовшахтоьхначу Кадыровн гонна дуьхьал санкцеш яхарна тхо эргIаддахна", - аьлла Алхановс.
Министро билгалдаьккхина, махкарчу чоьхьарчу гIуллакхийн министраллана юкъа мел вогIург ша Кадыровн командан юкъардаккхалурдоцчу декъах хеташ хилар а.
"Госдепан сацамо декхаредина тхо массо а дуьненаюкъарчу бакъонашларъярхойн организацешка кхайкхам бан, дискриминаци ца лелаяйтар а, къестамаш ца байтар а, тхан бакъонаш Iалашъяр, оцу "тептаре" Нохчийчуьра массо а ницкъаллийн структурийн белхахо ваккхийтар а доьхуш", - аьлла шен дIахьедарехь Алханов Руслана.