«Челси» Ираола билан янги мураббий борасида музокара ўтказди
Лондоннинг «Челси» клуби янги бош мураббий қидириш ишларини жадаллаштирди. Раҳбарият айни дамда «Борнмут» устози Андони Ираола вакиллари билан алоқага чиққан. Бу ҳақда Goal.com хабар беради.
Испаниялик мутахассис Англия жанубий соҳилидаги фаолияти давомида мутахассислар ва мухлислар томонидан юқори баҳоланди. Унинг ўйин услуби Лондон клуби эгаларига маъқул келмоқда.
Ираола Лиам Розенёр кетганидан сўнг «Стемфорд Бриж»даги бўш қолган ўринни эгаллаш учун асосий номзодлардан бирига айланди. Томонлар ўртасидаги музокаралар яқин кунларда ҳал қилувчи паллага киради.
Ҳозирда «Челси» раҳбарияти бир нечта номзодларни кўриб чиқмоқда, бироқ Ираоланинг тажрибаси ва натижалари уни рўйхатда биринчи ўринга олиб чиқди.