Алматылықтар метрода интернет жұмыс істемейтініне шағымданып жүр, - деп хабарлайды Tengrinews.kz тілшісі. Алматы метросы мәселеге қатысты пікір білдірді.
"Жолаушыларға ыңғайлы болу үшін компания мамандары операторлармен геодезиялық жұмыстар жүргізу, кабельдік трассаларды тарту және метрополитен нысандарында ұялы байланыс пен интернетке арналған жабдықты орнату бойынша келіссөздер жүргізіп жатыр", - деп хабарлады компания Tengrinews.kz сауалына жауапта. - Бүгінде бұл мәселе зерттеліп, метрополитен мамандарының бақылауында. Нақты мерзімдер анықталған кезде ақпарат БАҚ-қа жарияланады".
2021 жылы станцияларда және метро вагондарында Wi-Fi жұмысы сынақ режимінде іске қосылды. Бірақ қазір бұл қызмет қолжетімді емес.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
