Tatar-inform.tatar

Чаллыда зиратларга рәсми исемнәр бирелде. Бу хакта башкарма комитет җитәкчесе Фәрид Сәлахов карар кабул итте, дип яза «Шәһри Чаллы» газетасы.

13 июльдә «Иман» мәдәният-мәгърифәт үзәге ике атна дәвамында Апанай мәдрәсәсендә укыган ир балалар һәм аларның әти-әниләре өчен Яшел Үзән районына экскурсия оештырды. Бу хакта «Яшел Үзән» газетасасы яза.

21 июльдә Казанның Горки-Әмәт урманында «Паркта уйныйбыз!» фестивале уза. Кунаклар турнирларда, лекцияләрдә, рольләргә бүленгән квестларда һәм башка актив чараларда катнаша ала. Фестивальгә керү ирекле, дип хәбәр итә Казан мэриясе матбугат хезмәте.

Татарстан Прокуратурасы «Премьер-Сити» төзелеш компаниясе директоры эше буенча судка гаепләү җибәрде. Ул салым буенча 78 миллион сумнан артык бурыч җыйган. Бу хакта Татарстан прокурорының өлкән ярдәмчесе Адилә Гайнетдинова хәбәр итте.

Татарстаннан Россия Дәүләт Думасы депутаты Олег Морозов бүген Казанда «ПолитЗавод» республика проектында катнашучылар белән очрашты. Активистлар кызыксындырган сорауларын бирде, сәяси өлкәдә эшләү буенча киңәшләр алды. Очрашуны «Бердәм Россиянең яшь гвардиясе» Бөтенроссия иҗтимагый оешмасының төбәк бүлекчәсе оештырды, дип яза «Татар-информ» хәбәрчесе Надежда Гордеева.

2024 елның 4-16 октябрендә Казанның Петербург урамындагы IT-паркында «TurkLang 2024 – төрки телләрне компьютер ярдәмендә эшкәртү» ХII халыкара конференциясе узачак. Бу хакта оештыручылар хәбәр итә.

Татарстан Мөфтие Камил хәзрәт Сәмигуллин Менделеевск районына эшлекле сәфәр кылды. Биредә ул 10нчы төзәтү колониясендә булды һәм колония җитәкчесе Илдар Минәхмәтов белән очрашу үткәрде. Бу хакта Татарстан Диния нәзарәте матбугат хезмәте хәбәр итә.

Лаеш районында тугыз зур корпусы булган логистика технопаркы барлыкка киләчәк. Проектның бәясе 20,5 миллиард сум, дип хәбәр итә Татарстанның Инвестицион үсеш агентлыгы.

«Көнчыгыш» М12 трассасын Екатеринбургтан Төмәнгә кадәр киләсе елда сузачаклар. Бу хакта Россия вице-премьеры Марат Хөснуллинга сылтама белән ТАСС агентлыгы яза.

19 июльдә 18.00 сәгатьтә «1930-елларның әдәби Казаны» экскурсиясе була. Экскурсиядә катнашу өчен теркәлү узарга кирәк.