Все новости

Россия Социаль фонды мәгълүматлары буенча, 2024 ел ахырына илдә 6,1 миллионнан артык пенсионер пенсияләренә өстәмә социаль түләүләр ала, бу аларның керемнәрен үз төбәкләрендә пенсионерның яшәү минимумы дәрәҗәсенә җиткерергә мөмкинлек бирә. Бу хакта ТАСС агентлыгы хәбәр итә.

2025 ел башыннан Россия валютасы биржадан тыш сатуларда АКШ долларына карата 38 процентка ныгыды һәм дөньяда иң табышлы валютага әверелде. Бу хакта ТАСС Bloomberg агентлыгына сылтама белән хәбәр итә.

Җирдә башланган магнит давылы бер тәүлеккә якын дәвам итәчәк. Россия Фәннәр академиясе Космик тикшеренүләр институтының кояш астрономиясе лабораториясе җитәкчесе Сергей Богачев RT белән әңгәмәсендә шулай дип белдерде.

Татарстанда «Хәтер бакчасы» халыкара акциясе кысаларында бер тапкыр агач утырту вакытына төзәтмәләр кертелде. Республика Министрлар Кабинетының шул хактагы боерыгын ТР Премьер-министры Алексей Песошин имзалаган.

Казанда Галимҗан Баруди исемендәге 4 гимназия-интернатында «Мәгърифәт йолдызлыгы» Халыкара фәнни-гамәли конференция үткәрелде. Биредә Казан шәһәреннән, Татарстан Республикасы районнары мәктәп-гимназияләреннән, чит төбәк һәм чит илләрдән сәләтле укучы, укытучы, аспирантлар, галимнәр катнашты һәм чыгыш ясады.

Ульяновск өлкәсенең «Ак калфак» татар хатын кызлары оешмасы тарафыннан «Киндяковка» мәдәният йортында онытыла башлаган гореф-гадәтләребезне, милли йолаларыбызны халыкка кире кайтару максатыннан «Кич утыру» фольклор кичәсе уздырылды. Бу хакта «Өмте» газетасы телеграм-каналы хәбәр итә.

Татарстанда махсус операциядә һәлак булган хәрбиләрнең гаилә әгъзаларына бер тапкыр бирелә торган акчалата түләүләр билгеләү буенча дәүләт хезмәте күрсәтүнең административ регламенты эшләнгән. ТР Хезмәт, халыкны эш белән тәэмин итү һәм социаль яклау министрлыгының шул хактагы боерык проекты әлегә коррупциягә каршы экспертиза уза.

Казанда традицион Шигырь бәйрәме Тукай һәйкәле янында үткәрелмәячәк. Ул быел яңа урында узачак – Камал театрының яңа бинасының Кабан күле буендагы мәйданына күчә. Җәмәгать эшлеклесе Сүрия Усманова Шигырь бәйрәмен уздыру урынын күчерүгә карата үз фикерләре белән уртаклашты.

Хатын-кызлар өчен эш көнен бер сәгатькә кыскарту инициативасы билгеле бер мәгънәгә ия. Бу хакта ТР Дәүләт Советының Социаль сәясәт комитеты рәисе, «Мәрхәмәт-Милосердие» хатын – кыз депутатлар берләшмәсе әгъзасы Светлана Захарова белдерде, дип хәбәр итә «Татарстан» ДТРК.

Габдулла Кариев исемендәге Татар дәүләт яшь тамашачы театрында «Тәртип» радиосы үзенең унбер яшьлек туган көнен билгеләп үтте. «ТӘРТИПле ТЕАТР» яки «Уйныйбыз да, уйлыйбыз да» дип исемләнгән тамашаның үзенчәлеге – биредә «Тәртип» радиосы кебек үк милләт сагында торучы Татарстанның унбер театры катнашуында иде.

«Халык әдәбияты» күргәзмәсе Габдулла Тукайның «Халык әдәбияты» лекциясен укуына 115 ел еллыгы уңаеннан оештырылды. Татар фольклорына багышланган бу лекция шагыйрь үзе исән чагында ук киң танылу алган.

Режиссер Айдар Җаббаров Түбән Кама татар дәүләт драма театрында башкорт язучысы Таһир Таһировның «Галия» повесте буенча спектакль әзерли башлаган.

Нижневартовск шәһәренең 11 мәктәбендә шәһәрнең «Мирас» Татар милли-мәдәни автономиясе белән бергә «Балалар Сабантуе» бәйрәме уздырылган. Бу хакта Бөтендөнья татар конгрессы хәбәр итә.

Бүген, 16 апрельдә, Татарстанда тотрыксыз һава торышы көтелә, температура күтәрелүен дәвам итәчәк. Бу хакта ТР Гидрометеорология үзәге хәбәр итә.

22 апрель көнне 18:00 сәгатьтә Г. Камал исемендәге Татар дәүләт академия театрының Кече залында үзенчәлекле шигъри кичә – «Шагыйрьләр vs Ясалма фәһем» узачак. Тамаша Татарстан Республикасы Язучылар берлеге, Бөтендөнья татар яшьләре форумы һәм Камал театры тарафыннан оештырыла.

Әлмәттә Бөек Җиңүнең 80 еллыгына багышланган парадка ачык һавада репетицияләр башланды. Мәктәп спорт залларында репетицияләрдән соң, катнашучылар сафта атлау осталыгын камилләштерү өчен урамнарга чыкты. Бу хакта «Әлмәт таңнары» яза.

Роберт Миңнуллин исемендәге Республика балалар китапханәсендә Милли әдәбиятлар һәм туган якны өйрәнү бүлеге хезмәткәрләре кичә уздырды. Китапханәнең уку залында мөмкинлекләре чикләнгән һәм авыр тормыш хәлендә булган балаларны тәрбияләүче гаиләләр белән фикер алышу булды.

Бүген Татарстан Республикасының төп инвестицион-төзелеш идарәсе җитәкчесе Илнар Хафизов Балтачка эшлекле сәфәр белән килде. Ул районда бара торган күләмле төзелеш эшләре белән танышты. Бу хакта «Хезмәт» сайтында хәбәр ителә.

Чаллының 5нче шәһәр хастаханәсенең күз авырулары бүлеге шәфкать туташы Илзирә Ибраһимова Россия бәйгесенең финалына үтте. Бу хакта «Шәһри Чаллы» сайтында Зөлфия Галим яза.

Яшел Үзән районы Норлат балалар йоры тәрбияләнүчеләре 9 май алдыннан махсус хәрби операциядә катнашучыларны бәйрәм белән котларга һәм Ватаныбызны саклаганда батырлык һәм көч күрсәтүче көрәшчеләр белән горурланганны белдерергә кирәк икәнлеген белә. Балалар хәрбиләргә хатлар язды. Алар «Өмет» халык фронты волонтерлык оешмасы аша җибәреләчәк. Бу хакта «Яшел Үзән» хәбәр итә.