Дәүләт Думасының сәламәтлек саклау комитеты башлыгы Сергей Леонов (ЛДПР) аллергиядән интегүчеләргә үсемлекләр серкәсенә аллергия сезонында планнан тыш түләүле ял алу хокукы бирү инициативасы белән чыкты. Бу хакта «Российская газета» яза.
Аның бәяләвенчә, аллергия симптомнары ачык күренеп торган хезмәткәрләр өстенлекле тәртиптә планнан тыш ялга нәкъ менә үсемлекләр чәчәк аткан айда китәргә тиеш. Өстәвенә, ул мондый хокукны отпускларның бер елга расланган графигына карамыйча бирергә кирәк дип саный.
«Башка очракта исә россиялеләргә, үсемлекләр чәчәк аткан чорда үз эшен читтән торып башкару мөмкинлеге һәм тиешле медицина бәяләмәсе булса, дистанцион эшкә күчү хокукын бирергә кирәк, - диде парламентарий. - Кеше өчен бу зур плюс, чөнки ул аллергеннар белән актив контактта булмаячак».
Ул тәкъдим ителгән чаралар аллергиядән интегүчеләрнең тормыш сыйфатына уңай йогынты ясаячагына һәм үсемлекләр чәчәк аткан чорны сәламәтлек өчен файдалы итеп үткәрергә мөмкинлек бирәчәгенә ышаныч белдерде.
