Бу шимбәдә Казанның «Черек күл» паркында «Тайгак биюләр» кичәсе узачак, анда музыкаль журналист, блогер һәм диджей Коля Редькин чыгыш ясаячак. Шулай ук кунакларга җирле диджейлар үз осталыкларын күрсәтәчәк.
Казанлыларны дәртле көйләр белән сөендерәчәкләр: плейлистка хаустан алып русча рэпның ремиксларына кадәр төрле композицияләр кертәчәкләр, дип хәбәр иттеләр шәһәрнең парклар һәм скверлар дирекциясендә.
Бию кичәсе 17:00 сәгатьтә башланачак. Катнашырга теләүчеләрне «Шәһәрнең төп шугалагы» язуы янында каршы алачаклар. Кергәндә аларны чын клубтагы кебек дресс тикшерү көтәчәк: җылы киемдә килергә кирәк. Кунаклар шулай ук махсус ял зонасында җылына алачак.
Исегезгә төшерәбез, «Черек күл» паркында Яңа ел программасының финалы Олимпия чемпионнары катнашында Илья Авербухның Winter Fest фестивале булачак. Чараны гыйнварның икенче яртысында уздырырга планлаштыралар.
