Казан һәм Түбән Кама аэропортларында иртән очышларга вакытлыча чикләүләр кертелде. Росавиация хәбәр иткәнчә, чикләүләр Мәскәү вакыты белән 08:00 сәгатьтә гамәлдән чыгарылды.
Моннан тыш, чикләүләр Саратов һәм Ульяновск аэропортларында кертелде. Хәзерге вакытта аэропорт штат режимында эшли.
Росавиациядә ачыклык кертүләренчә, чикләүләре гамәлдә булганда самолетлар запас аэродромнарга җибәрелмәгән.
Искәртик, бүген Azerbaijan Airlines авиакомпаниясе Бакудан Казанга авиарейсны гамәлдән чыгарды. Компания матбугат хезмәтендә белдерүләренчә, «Ковер» планы сәбәпле, карар Казан өстендәге һава юлының ябылуына бәйле рәвештә кабул ителгән.
