Согуд Гарәбстанында Мәккә һәм Мәдинә кебек изге шәһәрләрнең урамнарын көчле су баскан, дип хәбәр итәләр Mash телеграм-каналында. Бу хакта РИА Новости яза.
«Коеп яуган яңгырлардан соң юллар елгага әверелде, су автомобильләрне юып алып китте», — дип ачыклык кертәләр хәбәрдә.
Mash мәгълүматларыннан күренгәнчә, Согуд Гарәбстаны метеорология идарәсе Мәккә, Мәдинә һәм портлы шәһәр Җиддәдә «кызыл» куркыныч дәрәҗәсен игълан иткән. Хәбәр ителгәнчә, су гадәттә коры булган ташлы чыгынты урыннар буйлап каскад булып агып төшкән, шәһәрләр һәм бистәләрне су баскан.
