2025 елда беренче эш атнасы нибары ике көн дәвам итәчәк. Россия Хезмәт һәм социаль яклау министрлыгында бәйрәмнәр алдыннан шул хакта искәрттеләр.
Бу юлы яллар 11 көн дәвам итәчәк – шимбә, 28 декабрьдә эшләгәннән соң россиялеләр 8 гыйнварга кадәр ял итә.
«Эшкә пәнҗешәмбе, 9 гыйнварда чыгарга туры киләчәк. 2025 елда Яңа ел бәйрәмнәреннән соң беренче эш атнасы нибары ике көн дәвам итәчәк», - диелә ведомствоның телеграм-каналында.
Министрлыкта искәртүләренчә, эш булмаган бәйрәм көннәре хезмәткәрнең чираттагы ялына туры килсә, бу көннәр күчерелергә тиеш.
