Тукай районы Теләнче Тамак авыл җирлегендә нигездә өлкән яшьтәге хатын-кызлардан торган волонтерлар төркеме уңышлы эшләп килә. Алар махсус хәрби операциядә катнашучыларга ярдәм итүдә катнаша. Бу хакта «Якты юл» сайтында волонтер пенсионер Гайнур Латыйпова яза.
Күпләр инде тугызынчы дистәне алыштырдылар, әмма шуңа да карамастан, көн саен, теләсә нинди һава торышында алар клубка блиндаж шәмнәрен, йорт токмачын һәм коры душ ясарга, махсус хәрби операция зонасына җибәрү өчен маскировкалау челтәрләре үрү өчен килә. Хатын-кызлар еш кына хәрби частьлардан рәхмәт сүзләре язылган хатлар һәм хәбәрләр ала.
Халыкара өлкәннәр көнендә мәдәният йортында җирлекнең башкарма комитеты тантаналы чара оештырды, анда волонтерлык хәрәкәте активистларын да хөрмәтләделәр. Теләнче Тамак авыл җирлеге башлыгы Рамил Нәҗметдинов волонтерларга Рәхмәт хатлары һәм истәлекле бүләкләр тапшырды. Бәйрәм чарасы өстәл артында дәвам итте. Теләнче-Тамак интернат-мәктәбе укучылары ветераннар өчен концерт номерлары әзерләде.
