430 нчы полктагы Татарстан хәрбиләренә Угледарны азат иткән өчен Россия геройлары исеме бирелде. Бу хакта исемле батальоннарның телеграм-каналында хәбәр ителә.
Саклану министры Андрей Белоусов хәрбиләрнең Угледардагы гамәлләрен батырлык һәм югары профессионализм үрнәге дип атады.
«Хәрби бурычларны үтәгәндә күрсәткән батырлыклары өчен полкның 400 дән артык солдаты, сержанты һәм офицеры дәүләт бүләкләре белән бүләкләнде", – диелә котлау телеграммасында.
Россия Саклану министрлыгы 3 октябрьдә «Восток» гаскәрләре төркеме тарафыннан Угледарның алынуы турында хәбәр итте. Шул ук вакытта бу хакта рәсми булмаган хәбәрләр 1 октябрьдә барлыкка килә башлады. Беренче Җиңү байрагын Угледарда 430 нчы полк штурмовиклары күтәрде. Хастаханәнең икенче бинасына Север һәм Русса сугышчылары беренчеләрдән булып Татарстан Республикасы байрагын урнаштырды. Өченче көндә 430 нчы полк штурмчылары Чита һәм Чиләбедән хәрби хезмәткәрләр белән бергә "торак районнарга керделәр, аларга бирелгән бөтен секторны чистарттылар».
