Бүген, 6 октябрьдә, Татарстанда һава температурасы төшүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Республикада алмашынучан болытлы һава көтелә. Төнлә бераз яңгыр яварга мөмкин, көндез явым-төшем ихтималы аз.
Җил көнбатыштан һәм төньяк-көнбатыштан секундына 4-9 метр тизлектә фаразлана. Кайбер районнарда (Казанда түгел) кайвакыт 11 метрга кадәр көчәергә мөмкин.
Салкынча төннән соң, көндез һава торышы +12..+17 градуска кадәр (Татарстан башкаласында +13..+15 градус) күтәреләчәк.
