Дәүләт Думасы депутаты Айрат Фәрраховны Казанның «Әкият» театры белән бәйле вәзгыять ачуын китергән. Искәртик, театрдан «Шүрәле» һәм «Су анасы» атамаларын кулланган өчен акча таләп итәләр.
Сәясәтче телеграм-каналында язганча, ул абруйлы патент ышанычлысы белән элемтәгә кергән.
«Товар билгеләрен карадым, төрле затлар исеменә ким дигәндә өч «Шүрәле» товар билгесе бар, беренчесе 2004 елда ук теркәлгән иде», – дип билгеләп үтте Фәррахов.
Хәзер парламентарий патент бәхәсләре буенча палатага товар билгесен хокукый саклауга каршы тәкъдим һәм Россия Икътисади үсеш министрлыгына депутат мөрәҗәгате әзерли.
«Беркемгә дә бернәрсә дә түләргә кирәкми!» – дип йомгаклады ул.
Сүз уңаеннан, «Милли уенчыклар» ҖЧҖ «Әкият» дәүләт курчак театрыннан «Шүрәле» һәм «Су анасы» әдәби геройлары исемнәрен кулланган өчен ярты миллион сум һәм роялти сораган иде.
