Кояш антициклоны сәбәпле, Россиянең бөтен Европа территориясе, шул исәптән безнең республика да, бик җылы һәм коры һава массасына эләкте. Бу атнада төбәктә уртача тәүлеклек температура нормадан +4..+6 градуска югары була. Бу хакта ТР Гидрометеорология үзәге хәбәрендә әйтелә.
Сишәмбе һәм чәршәмбе һава температурасы төнлә +9..+15 градус, көндез +23..+29 градус була.
Пәнҗешәмбе, атмосфера фронты якын булуга карамастан, сизелерлек явым-төшем фаразланмый. Төнлә термометр баганасы +10..+15 градус күрсәтә, көндез исә һава +28 градуска кадәр җылына.
30 августта явым-төшем булу ихтималы зур түгел. Һава температурасы төнлә +9..+14 градусны тәшкил итә, көндез +26 градуска кадәр була.
ТР Гидрометеорология үзәгенең якынча фаразы буенча, шимбә һәм якшәмбе явым-төшем булу ихтималы аз. Һава температурасы көндез +20 градустан +25 градуска кадәр булыр, дип көтелә.
«Озак вакыт бик җылы һәм коры һава торышы саклану урманнарда янгын куркынычы артуга һәм янгын куркынычы дәрәҗәсенең югары күрсәткечкә кадәр күтәрелүенә китерергә мөмкин», - дип кисәттеләр Гидрометеорология үзәгендә.