Бүген һәм иртәгә Татарстанда кабат һава шартлары начараюы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Шимбә кичендә, 24 августта, шулай ук 25 августта төнлә һәм көндез республикада урыны белән яшенле яңгыр яварга мөмкин.
Моннан тыш, 25 августта төнлә һәм иртән кайбер урыннарда томан төшәчәк.
Элегрәк «Татар-информ» агентлыгы җәй ахырында Татарстанда һава температурасының +28 градуска кадәр күтәреләчәге хакында хәбәр иткән иде.