Бүген Болгар шәһәрендә «Россиянең рухи бердәмлеге – дөньяга юллама» фестивале башлана. Ачылыш тантанасы «Кара Пулат» операсын күрсәтү белән тәмамланачак.
Опера сюжетының нигезен Аксак Тимер яугирләре яндырган унике кыз турындагы татар легендасы тәшкил итә. Аларны – араларында хан кызы да була – Бөек Болгарны яулап алган вакытта эләктерәләр.
Ачылыш тантанасы 20.00 сәгатькә билгеләнгән, шулай да төрле чаралар һәм активлыклар 11.00 сәгатьтә башлана. Фестиваль кунаклары гарәп каллиграфиясе белән танышачак, традицион аш-сулардан авыз итәчәк һәм үзләрен җәядән ук атуда сынап карый алачак.
Фестиваль өч көн – 16-18 август – дәвам итә. Чаралар һәм алар узачак мәйданчыкларның төгәл расписаниесе белән сылтама буенча танышырга мөмкин.
