Татарстан Рәисе Рөстәм Миңнеханов үзенең телеграм-каналында алабай токымлы эте Акдус һәм гөмбәле кәрзин фотографиясен урнаштырды.
«Табыш», — дип язып куйган республика җитәкчесе гөмбә тутырылган кәрзин янында утыручы эт сурәте янына.
Алабай токымлы ак төстәге көчекне Рөстәм Миңнехановка 2021 елда Төрекмәнстанның ул чактагы Президенты Гурбангулы Бердымөхәммәдов бүләк иткән иде. ТР Рәисе социаль челтәрләрдә даими рәвештә аның фотолары белән уртаклаша.