Азәрбайҗан БРИКСка кушылу белән кызыксына. Бу мәсьәлә турында инде Россия дипломатлары белән фикер алышу булды, дип хәбәр иткән ТАССка Мәскәүдәге Азәрбайҗан илчесе Полад Бюльбюль оглы.
Аның сүзләренчә, берләшмәгә кушылырга теләүчеләрдән «зур чират» тезелгән.
«Азәрбайҗан чыннан да шундый теләк белдерде, – дип раслады дипломат. – Без бу хакта Россиядәге коллегалар белән сөйләштек, әмма бу да процесс һәм сорау эш стадиясендә».
Искәртик, 22-24 октябрьдә Казан Россиянең берләшмәдә рәислеге кысаларында БРИКС саммитын кабул итәчәк. Оешманың яңа әгъзалары мәсьәләсе һәм партнер илләр турында фикер алышу планлаштырыла.