Бердәм тавыш бирү көне алдыннан, гаммәви мәгълүмат чараларында сайлау алды агитациясе 10 августта башлана. Бу хакта «Мой голос» дигән сайлаучылар онлайн-форумында «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев хәбәр итте.
«10 августта без зур кампания белән старт алачакбыз. Шунысын да билгеләп үтәргә кирәк, Татарстан Республикасы алда торган сайлау кампанияләре турында халыкка мәгълүмат җиткерү өчен ресурсларның шактый күп җыелмасына ия», – дип саный Сәлимгәрәев.
Бердәм тавыш бирү көне алдыннан, 8 августта сайлау алды агитациясендә «Россия» Бөтенроссия дәүләт телерадиокомпаниясенең төбәк бүлекчәсе («Россия» һәм «Россия 24» телеканаллары, «Татарстан» радиосы); «Татарстан Яңа Гасыр» АҖ ресурслары (ТНВ телеканалы һәм «Болгар» радиосы), шулай ук «Татмедиа» АҖ ресурслары катнаша. Болар – шәһәр телеканаллары да, халыкка мәгълүмат җиткерү өчен кулланылачак радиостанцияләр дә. Моннан тыш, тагын 84 дәүләт басмасы, шул исәптән «Республика Татарстан», «Ватаным Татарстан», шулай ук шәһәр һәм район иҗтимагый-сәяси басмалары җәлеп ителәчәк.
Бу атнада ТР Үзәк сайлау комиссиясе Татарстан Дәүләт Советына сайлаулар өчен түләүсез эфир вакытына җирәбәгә үткәрде.
2024 елның 8 сентябрендә Республиканың VII чакырылыш Дәүләт Советы депутатларын сайлау, шулай ук 38 муниципаль районда җирле үзидарә органнары депутатларын өстәмә сайлау узачак.
50 депутат партия исемлекләре буенча һәм шул кадәр үк – бермандатлы сайлау округлары буенча сайланачак. Сайлауларда катнашу өчен 427 кеше үз кандидатураларын тәкъдим итте: 179 — республика бердәм округы буенча, 248 — бер мандатлы округларда.
Татарстан парламентына депутатлар сайлауда барлыгы алты сәяси партия катнаша. Биш партия («Бердәм Россия», КПРФ, «Гадел Россия — патриотлар — дөреслек өчен», ЛДПР һәм «Яңа кешеләр») бердәм округ буенча да, бер мандатлы округларда да кандидатлар тәкъдим итте. Тагын бер партия, «Гражданнар инициативасы», берничә бер мандатлы округта үз кандидатларын чыгарды. Моннан тыш, бер мандатлы округларда үзләрен тәкъдим итү тәртибендә 12 кеше бар.
