Бүген, 7 августта, Татарстанда алмашынучан болытлы һава көтелә, иртән томан булуы ихтимал, дип хәбәр итә ТР Гидрометеорология үзәге.
Төнлә республикада сизелерлек явым-төшем булмаячак, әмма көндез һәм кичен синоптиклар кыска вакытлы, урыны белән көчле яңгырлар, шулай ук яшен һәм боз вәгъдә итә.
Җил көнбатыштан, төньяк-көнбатыштан исә. Көндезге һәм кичке сәгатьләрдә аның тизлеге секундына 15-20 метрга җитәргә мөмкин. Төнлә һава температурасы 11-16 градус, ә көндез 22-27 градус җылы булачак.
