Чечня башлыгы Рамзан Кадыров хиҗаб киюне тыярга өндәүчеләр исламның гына түгел, аның шәхси дошманнары да булуын әйтте. Шул ук вакытта республикада йөзне каплый торган пәрәнҗәгә каршы чыгалар, дип өстәде ул Грозныйдагы киңәшмәдә — өзек республика башлыгының телеграм-каналында чыкты.
Кадыйров төбәккә төрле дин тотучы күпсанлы туристлар килүен искәртте. Аларның ничек киенүләре республика хакимиятен «борчымый». Хатын-кызларны яулык бәйләргә гына өндиләр.
«Хиҗаб кимәскә диючеләр – ислам дошманнары. Без йөзне каплап торган пәрәнҗәгә каршы. Без моңа каршы», - дип ассызыклады республика башлыгы.
Кадыйров Россия Президенты Владимир Путин барлык халыкларга тыныч яшәргә мөмкинлек бирде, дип өстәде. Шуңа күрә ул хатын-кызларга хиҗаб киюне тыюга юл куймаска ниятли.
