Биектау районында Кәминкә елгасының суы чистартылмаган сулар аркасында ак төскә кергән. Бу хакта Татарстан Экология министрлыгына битараф булмаган гражданнар хәбәр иткән.
Белгечләр табигый һәм агып төшүче суны тикшерү өчен алганнар, суда пычрак матдәләрнең артып китүе ачыклаган.
Хәзерге вакытта әйләнә-тирә мохиткә китерелгән зыян исәпләнә. «Су объектын мониторинглау дәвам итә», – дип өстәделәр министрлыкның телеграм-каналында.
