Пәнҗешәмбегә юаньның рәсми курсы 11,82 сум (-7 тиен) дәрәҗәсендә билгеләнгән. Долларның рәсми курсы – 86,55 сум (-74 тиен), ә евроның курсы исә рәсми рәвештә 94,37 сум (-1 сум) тәшкил итәргә тиеш. Мондый күрсәткечләрне РФ Үзәк банкы билгеләде.
Искәртик, элегрәк Америка Кушма Штатлары Мәскәү биржасына санкцияләр кертте. Шул сәбәпле, доллар һәм евро белән биржа сатулары туктатылды һәм биржадан тыш базарга күчерелде. Шуннан бирле Россия Үзәк банкы банкларның хисаплары һәм биржадан тыш сатулар мәгълүматларына нигезләнеп эш көннәрендә доллар һәм евроның рәсми курсларын билгели. Юаньны исә Мәскәү биржасының базар курсы буенча билгелиләр.
