«Яшь Гвардия»нең Алабуга бүлекчәсе активистлары махсус хәрби операция уздыру зонасына 102 тоннадан артык гуманитар йөк җибәргән. Бу хакта оешманың Татарстан бүлекчәсе матбугат хезмәте хәбәр итә.
Җибәрелгән йөк составында 650дән артык маскировка челтәре, 35 мең окоп шәме, 520 нашлемник, кулдан бәйләнгән 21 мең пар йон оекбаш һәм 120дән артык «исән калу» беләзеге бар. Моннан тыш, яшь гвардиячеләр хәрбиләр өчен тоннадан артык өстәмә ярдәм җибәргән. Аның составына шул исәптән озак саклана торган азык продукциясе, дарулар һәм кием-салым кергән.
«Яшь Гвардия»нең җирле бүлекчәсе активистлары гуманитар үзәк базасында тотрыклы рәвештә эшли. «Яшь Гвардия»нең Алабуга бүлекчәсе җитәкчесе Роман Епанешников үз гомерен куркыныч астына куеп, илне яклаган һәм халыкның иминлеген тәэмин иткән хәрбиләргә ярдәм итүнең мөһим булуын искәртте.
«Илебезне яклаучы һәм халкыбызның иминлеген тәэмин итүче хәрби хезмәткәрләребезнең үз гомерен куркыныч астына куюы турында онытырга ярамый. Аларга бу авыр чорда ярдәм итү – безнең бурычыбыз гына түгел, хезмәтләре һәм батырлыклары өчен рәхмәт белдерү дә. Яклаучыларыбыз ягында булыйк һәм аларга барлык кирәкле ярдәмне күрсәтик», - дип ассызыклады ул.
