Татарстанның өч ведомствосында — Мәдәният министрлыгында, Мәгариф һәм фән министрлыгында һәм Сәнәгать министрлыгында — хезмәткә түләү фондларын арттырдылар. Димәк, андагы хезмәткәрләрнең окладлары да артачак. Үзгәрешләр 2024 елның 1 июленнән барлыкка килгән хокук мөнәсәбәтләренә кагыла, диелә республика Хөкүмәте карарларында.
ТР Сәнәгать һәм сәүдә министрлыгында фондны 3,4 млн сумнан 3,6 млн сумга кадәр арттырганнар.
Татарстан Мәгариф һәм фән министрлыгында хезмәт хакы буенча айлык хезмәт хакы фонды 4 млн сумнан 4,26 млн сумга кадәр артачак. Хезмәткәрләрнең чик саны элеккечә кала - 166 берәмлек.
Ә республика Мәдәният министрлыгында хезмәткәрләрнең чик саны да үзгәрәчәк. Әгәр элек ул 58 берәмлек булса, карар кабул ителгәннән соң 67,5 тәшкил итә. Документ нигезендә, 9,5 берәмлек ведомство буйсынуындагы учреждениеләрнең бухгалтерлык исәбе һәм хисап секторына туры килә. Хезмәткә түләү фонды 1,73 млн сум тәшкил итәчәк, шуның 159 меңнән артыгы яңа берәмлекләргә туры киләчәк.
