Фигуралы шуу буенча Олимпия чемпионы Алинә Заһитова үз җанатарларын аның кәефе өчен борчылмауларын сорады.
Спортчы телеграм-каналында аңлатканча, ул бары тик бераз гына авырып киткән, ә тулаем алганда аның барысы да яхшы. Соңгы вакытта ул Казанда узачак шоу белән бәйле рәвештә «төннәрен йокысыз үткәрә, репетицияләрдән кайтып керми һ.б. мәсьәләләрдән башы каткан». «Күз астындагы кара боҗралар» да шуннан, ди ул.
«Ә болай барысы да яхшы, борчылмагыз», - дип ышандырды Заһитова.
Аңа кадәр ул социаль челтәрләрдәге үз сәхифәсендә «Хранители времени» дип аталган боз тамашасының анонсын куйган иде. Шоу 29 һәм 31 августта Казанның «Татнефть-Арена» боз сараенда узачак.
