Июль башында Алабуга районында күпьеллык үләннәрне беренче кат чабу тәмамланды (5 487 гектар). 250 гектардан сенажга берьеллык үләннәр, 333 гектардан — арыш, 330 гектардан − көзге бодай чабылды. Бу хакта «Алабуга нуры» газетасы яза.
Терлекләрне кышлатуга 38,5 мең тонна сенаж әзерләнгән — булган ихтыяҗның 64 проценты, күпьеллык үләннән — 4 623 тонна сенаж (66 процент), бу шартлы терлек башына исәпләгәндә 15,3 центнер азык берәмлеге тәшкил итә.
Әхмәтҗанов КФХсында запаслар 18,3 центнер азык берәмлеге, «Мир» җәмгыятендә − 16,2 центнер, «Яшь көч» агрофирмасында − 17,4 центнер, «Колос» авыл хуҗалыгы кооперативында шартлы терлек башына исәпләгәндә 15,6 центнер азык берәмлеге туры килә.
Бу көннәрдә актив темплар белән берьеллык үлән җыела, алар 2 825 гектар били. Моннан тыш, күпьеллык үләннең икенче уңышын чабарга кирәк, диелә хәбәрдә.
