Татарстан мөселманнарының Диния нәзарәте «Хәләл кешбэк» дип аталган яңа ислам финанс продуктын рөхсәт ителгән дип таныды. Проектка нигез салучылар советына бу карарны Татарстан мөфтие Камил хәзрәт Сәмигуллин тапшырды, дип яза Диния нәзарәтенең матбугат хезмәте.
Әлеге продуктны Россия Ислам институты каршындагы Россия ислам икътисады һәм финанслары үзәге әзерләгән. Яңа карар банк картасы хуҗасына сатып алулар өчен тотылган чыгымның бер өлешен кире кайтарырга мөмкинлек бирә. Ислам финанс продуктының тулысынча эшләвен Татарстан мөселманнары Диния нәзарәте вәкиле контрольдә тотачак.
Halal Card проекты киләчәктә финанс продуктлары линейкасына кадәр киңәергә мөмкин. Кешбэклы картадан тыш, бу товарларга һәм автомобильләргә рассрочка, тупланма пенсия һәм ислам хокукы нормалары буенча эшли торган инвестиция продуктлары. Моннан тыш, дөньяның барлык телләрендә сөйләшә торган ясалма фәһем булдыру эше дә алып барыла.
