Татарстан Рәисе Рөстәм Миңнеханов Екатеринбургта узучы Иннопром күргәзмәсе кысаларында Урал тау-металлургия компаниясе җитәкчелеге белән очрашты. Бу хакта ТР лидерының матбугат хезмәте җитәкчесе Лилия Галимова хәбәр итә.
«Татарстанда сәнәгать тармагы үсеш алган. Безнең зур предприятиеләр Урал тау-металлургия компаниясе белән актив хезмәттәшлек итә», - дип искәртте Миңнеханов очрашу барышында.
Урал тау-металлургия компаниясе – Россиядә бакыр җитештерүче иң зур преприятиеләрнең берсе һәм Татарстанның стратегик партнеры.
Стендта компания илнең төрле төбәкләрендә гамәлгә ашыра торган проектлар тәкъдим ителгән иде. Яклар Урал тау-металлургия компаниясе продукциясен республика предприятиеләренә китерү хакында фикер алышты.
