Татарстан башкаласында икенче көн рәттән һава температурасы рекорды куелды. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
6 июльдә көндез Казан-Сокол авиация метеостанциясендә термометр баганасы +36 градуска кадәр күтәрелде.
Казан территориясендә бу көнне абсолют максимум 1972 елда теркәлгән иде, ул вакытта шәһәрдә һава температурасы +35,6 градуска җиткән.
«Татар-информ» хәбәр иткәнчә, аңа кадәр 1 көн элек, 5 июльдә, Татарстан башкаласында 1906 елгы температура рекорды яңартылды.
Атмосфера фронты узганнан соң Татарстанда аномаль эсселекне уңайлырак һава торышы алмаштырды. Бүген төбәктә һава температурасы +30 градустан артмаячак дип фаразлана.