Чаллы көллиятен тәмамлаучылар армиядә хезмәт итү урынына Россия Саклану министрлыгы белән контракт төзергә булган.
Чаллыда яшәүче 20 яшьлек Семён быел программист дипломы алган. Ул укуны тәмамлауга Россия Саклану министрлыгы белән контракт төзегән. Аның белеме махсус хәрби операция зонасында кирәк дип саный ул.
·«Мин һәрвакыт армиягә барырга теләдем. Контракт буенча хезмәт итү дөрес адым дип уйладым», - дип билгеләп үтте Семён.
Шулай ук махсус урта белем бирү йортларын тәмамлаган башка егетләр дә бу иң яхшы вариант дип карар иткән. Яшьләр Россия Саклану министрлыгының 12нче Баш идарәсе сафларын тулыландырачак. Аларның бурычы – робототехника комплексларын кулланып дошманны ачыклау һәм басу.
«Россиянең стратегик урыннарында мин зур файда китерермен дип саныйм», - дип белдерде Богдан.
Шушы көннәрдә бер көндә 100дән артык егет контракт төзеп, Татарстанның «Батыр» батальонына хезмәткә китте. Аларга бер тапкыр 1 миллион сумга кадәр акча бирелә, ә ай саен 210 меңнән башлап түләнәчәк.
Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була.
Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә була: Казан, Аэропорт урамы, 1/40 йорт, тел.(843) 221 44 52. Шулай ук 8800 222 59 00 номеры һәм 117 төбәкара кол-үзәк номеры буенча шалтыратырга мөмкин.
