Республика клиник йогышлы авырулар хастаханәсеннән ботулизмнан савыккан тагын ике пациентны чыгардылар. Бу хакта» Татар-информ»га клиниканың матбугат хезмәтендә сөйләделәр.
«Стационар дәвалануда 6 кеше кала, шул исәптән өч кеше реанимациядә, шуларның берсе үпкәләрне ясалма җилләтү аппаратына (ИВЛ) тоташтырылган», – дип сөйләделәр хастаханәдә.
Искәртик, татарстанлылар өйгә китереп бирү хезмәте алып килгән салат белән агуланган.