Татарстанда «Хәрәкәттә бәрәкәт» акциясе җиңүчеләрен билгеләделәр

Быел июньдә ГТО республика операторы Гаилә елына багышлап уздырган «Хәрәкәттә бәрәкәт» акциясен җиңүчеләре билгеле. Бу турыда Татарстан Спорт министрлыгы хәбәр итте.

Акциядә катнашучыларга Норми-бабай белән бергә ГТО нормативларын үтәү һәм процессны видеога төшерү һәм роликны Конкурсның Оештыру комитетына җибәрергә кирәк иде.

Конкурсның республика этабына 10 видеоролик тәкъдим ителде. Җиңүчеләрне берничә ысул белән сайлаганнар: иң күп лайклар, очраклы саннар генераторы һәм судьялар коллегиясе карары буенча.

Җиңүчеләр

• Андроновлар гаиләсе (Спас муниципаль районы). Алар «ВКонтакте»да 551 лайк җыйган.
• Гафиятуллиннар-Садыйковлар гаиләсе (Баулы муниципаль районы). Аларны очраклы саннар генераторы сайлаган.

Судьялар коллегиясеннән җиңүчеләр

• Сәйфуллиннар-Газизовлар гаиләсе (Азнакай районы)
• Шәрәфиевлар гаиләсе (Әтнә районы)
• Габдрахмановлар гаиләсе (Балтач районы)

Тамашачылар бүләген Апас, Бөгелмә, Чүпрәле, Саба, Ютазы районнары гаиләләренең видеороликлары алды. Җиңүчеләр дипломнар һәм ВФСК ГТО символикасы белән сувенир продукциясе алачак, диелә хәбәрдә.