«Цифрлы икътисад» илкүләм проекты ярдәмендә Татарстанда яшәүчеләр федераль дәүләт хезмәтләре порталы аша җәмәгать судьяларының 190 суд участогына процессуаль документлар тапшыра ала. Бу хакта ТР Юстиция министрлыгының матбугат хезмәте хәбәр итә.
Гражданнарның судлар белән бәйләнешен гадиләштерү өчен профиль министрлык «Татарстан Республикасында юстицияне үстерү» дәүләт программасы аша тиешле илкүләм проект кысаларында җәмәгать юстициясе өлкәсендә цифрлы трансформация проектларын гамәлгә ашыра.
ТР юстиция министры Рөстәм Заһидуллин искәрткәнчә, җәмәгать судьяларының барлык суд участокларында да сервис эшли, аның ярдәмендә татарстанлылар республика җәмәгать судьялары суд участокларына документларны онлайн рәвештә җибәрә ала.
Опция Татарстанда Цифрлаштыру елы дип игълан ителгән 2022 елда эшли башлады. Шул вакыттан бирле электрон рәвештә 142 меңнән артык гариза тапшырылган. Аларның 126 меңен – оешмалар, 16 меңен гражданнар җибәргән.