Кайбыч районы башлыгы Альберт Рәхмәтуллин белән мәгариф бүлеге җитәкчесе Илмас Хәмидуллин Олы Тәрбит, Чүти, Мәлки, Хуҗа Хәсән, Олы Подберезье, Ульянково һәм Надеждино мәктәпләрендә, һәм балалар бакчаларында булды. Бу хакта «Кайбыч таңнары» сайтында Ләйсән Саттарова яза.
Шулай итеп, райондагы барлык белем һәм тәрбия бирү учреждениеләрендә дә җәйге каникуллар вакытында башкарылачак ремонт эшләренең күләме билгеләнде, нинди төзелеш материаллары кирәк булачагы ачыкланды. Тәҗрибә участокларының торышын да карап чыктылар.
Альберт Рәхмәтуллин мәктәп директорларыннан проблемалар турында сорашты, кадрлар мәсьәләсе белән дә кызыксынды.
