Мошенниклар яңа алдау схемасы уйлап тапкан. Алар кәрәзле оператор исеменнән шалтырата һәм корбаннарын смс белән килгән кодны әйтергә мәҗбүр итә. Аннары Росфинмониторинг хезмәткәре дип таныштырып, кодны әйткәч саклана торган акчасын югалту куркынычы булуы һәм акчаны куркынычсыз счетка күчерергә кирәклегенә ышандыралар. Бу хакта РИА Новостига SafeTech коммерция директоры Дарья Верестникова хәбәр итә.
Белгеч билгеләп үткәнчә, хәзер мошенниклар код технологиясенең гадилегеннән файдаланып кына калмый, ә гражданнарда үзләрен гаепле тою хисе уятып, куркытырга да омтылалар.
«Смс һәм push-код — безнең заманның төп проблемасы, аңа каршы көрәшергә, тик куркыныч янау турында мәгълүмат биреп кенә түгел, ә иминлек системасы ланшафтын тулысынча үзгәртергә кирәк. Электрон имза базасында сыйфатлы антифрод-системалар белән яраштырып, аутентификациянең һәм раслауның нормаль чараларын кертү мошенниклык гамәлләре өчен мөмкинлекләрне берничә тапкыр киметергә мөмкинлек бирәчәк», - дип йомгаклады Верестникова.
