30 июньдә Грозныйда «Сабантуй» милли татар бәйрәме узачак. Анда Татарстан Республикасы Премьер-министры урынбасары һәм Бөтендөнья татар конгрессы Милли Шурасы рәисе катнашачак. Бу хакта Бөтендөнья татар конгрессы хәбәр итә.
Бәйрәм көнендә кунаклар татар мәдәниятенә чума алачак. Стильләштерелгән йорт ишегаллары татар халкының традицияләрен тәкъдим итәчәк, милли ризык һәм кәсепләр белән таныштырачак. Иҗат сөючеләр өчен чигү, рәсем төшерү, үрү, чүкеп ясау һәм башка кулланма сәнгать төрләре буенча мастер-класслар үткәреләчәк.
Моннан тыш, татар эстрадасы йолдызлары катнашында бәйрәм концерты узачак. Концертта Зәйнәб Фәрхетдинова, Айдар Сөләйманов, «Ямьле» вокаль төркеме, Булат һәм Дилә Нигъмәтуллиннар, Булат Хисмәтов, «Мириданс», «Казан», «Татарстан» ансамбльләре, Данил Солтанов, Таңсу Миңнебаева, Нуршат Батаршин чыгыш ясаячак, дип көтелә.