Көнбатыш илләре Россия җитәкчелеге кайсыдыр мизгелдә куркыр дигән ният белән вазгыятьне эскалацияли, әмма Россиянең стратегик җиңелүе аның дәүләтчелеге юкка чыгуын аңлата, бу – юл куярга ярамый торган сценарий. РФ Президенты Владимир Путин аның Вьетнамга сәфәре барышында оештырылган матбугат конференциясендә шулай дип белдерде, дип яза «Татар-информ».
«Чыннан да, без моны күрәбез һәм күзәтәбез. Алар (Көнбатыш илләре – Т-и иск.) һәрвакыт, сез әйткәнчә, градусны арттыра, вазгыятьне эскалацияли. Күрәсең, кайсыдыр мизгелдә куркырлар дип өметләнәләрдер», - диде Путин, аңа юлланган сорауларның берсенә җавап биреп.
«Әмма шул ук вакытта Россиянең сугыш кырында стратегик җиңелүенә ирешүен теләүләре турында да әйтәләр. Бу Россия өчен нәрсәне аңлата? Россия өчен бу аның дәүләтчелеге юкка чыгуын, Россия дәүләте тарихының меңьеллык тарихы тәмамлануын аңлата», - диде сәясәтче вазгыятькә үз карашы һәм аның үсешенең ихтимал вариантлары белән.
«Бу һәркемгә аңлашыла дип уйлыйм. Ул чагында мондый сорау туа: «Ә безгә нигә куркырга? Ахырга кадәр бару яхшырак түгелме?» Бу – гап-гади формаль логика», - диде Путин һәм болай дип өстәде: «Минем фикеремчә, шулай дип уйлаучылар, өстәвенә, шулай дип әйтүчеләр чираттагы зур хата җибәрә».