Корея Халык Демократик Республикасы дәүләт эшләре рәисе Ким Чен Ын Россия Президенты Владимир Путинга Төньяк Кореяда киң таралган пхунсан токымлы ике эт бүләк итте. Бу хакта «Голос Кореи» радиосы хәбәр итә.
«Ким Чен Ын Резиденциянең дәрәҗәле кунаклары өчен «Кымсусан» бакчасында Президент Путинга Төньяк Кореядә киң таралган пхунсан токымлы этләр бүләк итте», диелә хәбәрдә.
Ике ил лидеры розарий һәм бакча буйлап йөреп чыкты, алар илләр арасында стратегик партнерлык һәм союздаш мөнәсәбәтләрне алга таба ныгыту, шулай ук аларның уртак төп мәнфәгатьләрен саклау планнары турында фикер алышты.
Ау этләренең токымы Корея Халык Демократик Республикасында китереп чыгарылган, аларның бабалары Төньяк Корея бүреләре булган. Токымның атамасы төньяк округтагы Пхунсан тауларын (бүген Кимхёнгвон өязе) аңлата, ул анда китереп чыгарылган, дип яза РИА Новости.
Россия Президенты ярдәмчесе Юрий Ушаков Владимир Путинның Ким Чен Ынга тагын бер Aurus автомобилен, шулай ук сервиз һәм кортик бүләк иткәнен сөйләгән иде.